എയർ ഇന്ത്യ വിമാനങ്ങള്‍ തിരിച്ചിറക്കുന്നു. മുംബൈയില്‍ നിന്ന് ലണ്ടനിലേക്ക് പറന്ന വിമാനവും, ദില്ലിയില്‍ നിന്ന് ന്യൂയോർക്കിലേക്ക് പറന്ന വിമാനങ്ങളുമാണ് തിരിച്ച്‌ വിളിക്കുന്നത്.
ടേക്ക് ഓഫിനെ ശേഷം മൂന്ന് മണിക്കൂർ കഴിഞ്ഞാണ് വിമാനം തിരിച്ച്‌ വിളിക്കുന്നത്. ഇസ്രേയല്‍ ഇറാൻ സംഘർഷത്തിന്റെ പശ്ചാത്തലത്തിലാണ് വിമാനങ്ങള്‍ തിരിച്ചിരിക്കുന്നത്. ഇത് കൂടാതെ പത്ത് ഇന്ത്യൻ വിമാനങ്ങള്‍ വഴിതിരിച്ച്‌ വിട്ടിട്ടുണ്ടെന്നാണ് വിവരം.
യാത്ര തിരിച്ച്‌ മൂന്ന് മണിക്കൂറിന് ശേഷമാണ് വിമാനം തിരിച്ച്‌ ഇറക്കാൻ തീരുമാനിക്കുന്നത്. മുംബൈയില്‍ നിന്ന് പുലർച്ചെ പുറപ്പെട്ട എഐസി 219 എന്ന വിമാനമാണ് തിരിച്ചിറക്കുന്നത്. ഫ്ലൈറ്റ് റഡാറിലെ വിവരങ്ങള്‍ പ്രകാരം വിമാനം തിരിച്ച്‌ പറക്കുന്നതായി സ്ഥിരീകരണം ലഭിച്ചിട്ടുണ്ട്. പുലർച്ചെ 5.39 നാണ് എയർ ഇന്ത്യയുടെ വിമാനം മുംബൈയില്‍ നിന്ന് ലണ്ടനിലെ ഹീത്രൂ വിമാനത്താവളത്തിലേക്ക് പുറപ്പെട്ടത്.
കഴിഞ്ഞ ദിവസം അഹമ്മദാബാദില്‍ നിന്നും ലണ്ടനിലേയ്ക്ക് പറന്നുയർന്ന എയർ ഇന്ത്യയുടെ വിമാനം ഇടിച്ചിറങ്ങിയിരുന്നു. അപകടത്തില്‍ വിമാനത്തിലുണ്ടായിരുന്ന 241 പേർ അടക്കം 265 പേർ മരിച്ചതായാണ് റിപ്പോർട്ട്.
