തിരുവനന്തപുരം/ന്യൂഡല്‍ഹി: ഒരിടവേളയ്‌ക്കു ശേഷം സംസ്‌ഥാനത്ത്‌ വീണ്ടും കാലവര്‍ഷം ശക്‌തമാകുമെന്നു കേന്ദ്ര കാലാവസ്‌ഥാ വകുപ്പ്‌ അറിയിച്ചു.
ഇന്നുമുതല്‍ 12 വരെ വിവിധ ജില്ലകളില്‍ യെല്ലോ അലെര്‍ട്ട്‌ പ്രഖ്യാപിച്ചു.
ഇന്ന്‌ പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളില്‍ യെല്ലോ അലെര്‍ട്ടാണ്‌. നാളെ ആലപ്പുഴ, എറണാകുളം, തൃശൂര്‍, മലപ്പുറം, കോഴിക്കോട്‌ ജില്ലകളില്‍ യെല്ലോ അലെര്‍ട്ടാണ്‌. 12ന്‌ ആലപ്പുഴ, എറണാകുളം, തൃശൂര്‍, മലപ്പുറം, കോഴിക്കോട്‌, വയനാട്‌, കണ്ണൂര്‍, കാസര്‍ഗോഡ്‌ ജില്ലകളിലാണ്‌ യെല്ലോ അലെര്‍ട്ട്‌.മറ്റ്‌ ജില്ലകളില്‍ മിതമായതോ നേരിയതോ ആയ മഴയ്‌ക്കു ഈ ദിവസങ്ങളില്‍ സാധ്യതയുണ്ടെന്നും കാലാവസ്‌ഥാ വകുപ്പ്‌ അറിയിച്ചു. ഇന്ന്‌ മധ്യ-തെക്കന്‍ കേരളത്തിലാണു ശക്‌തമായ മഴയ്‌ക്ക്‌ സാധ്യതയുള്ളത്‌.
